Ik bin in Diene Hand, o Heer !
Doe löts mie lös - Doe grips mie weer !
Doe löts mie gaon - Doe zets mie stil,
Want ŕllens geet naor Dienen wil.
Bin ik 'eraakt in groten nood -
Doe kans mie redden van den dood !
Ik bin in Diene Hand, o Heer !
Doe löts mie lös, Doe grips mie weer !
Ik bin in Diene Hand, o Heer !
Doe löts mie lös - Doe grips mie weer !
Harr' ik gin ongemak verdeend?
Was al wa'k harr' nich van Die 'leend?
'k Kan zonder Die gin tred vedŕn;
Mis ik den pad, wiez' Doe 'n mie an !
Ik bin in Diene Hand, o Heer !
Doe löts mie lös, Doe grips mie weer !
Ik bin in Diene Hand, o Heer !
Doe löts mie lös - Doe grips mie weer !
As Doe an 't eand mie roopen dös,
Griep mie dan vast en lao nich lös,
Maer trek mie op Dien Vader-erf,
Zo da'k veur eeuwig nich verderf.
Ik bin in Diene Hand, o Heer !
Doe löts mie lös, Doe grips mie weer !
Toon Borghuis
Een vierstemmige zetting wordt vaak gezongen op een melodie van de Russische componist Dimitri Bortniansky
